'విజయవాడ నగరాభివృద్ధికి కలిసికట్టుగా కృషి చేద్దాం..'

విజయవాడ నగరాభివృద్దికి అందరం కలిసికట్టుగా కృషి చేద్దామని దేవాదాయ శాఖ మంత్రి వెల్లంపల్లి శ్రీనివాసరావు పిలుపునిచ్చారు. నగరంలో బీటీ రోడ్డు నిర్మాణానికి మంత్రి శంకుస్థాపన చేశారు.

విజయవాడ నగరాభివృద్ధికి అందరం కలిసికట్టుగా కృషి చేద్దామని దేవాదాయశాఖ మంత్రి వెల్లంపల్లి శ్రీనివాసరావు పిలుపునిచ్చారు. విజయవాడ పశ్చిమ నియోజకవర్గంలోని 43 వ డివిజన్​లో 75 లక్షల రూపాయలతో నిర్మించనున్న బీటీ రోడ్డు నిర్మాణ పనులకు మంత్రి శంకుస్థాపన చేశారు. డివిజన్​లో కాలువలు, డ్రైనేజీలు మంచినీటి సమస్యలను పరిష్కరించడంలో స్థానిక కార్పొరేటర్ కృషిని మంత్రి అభినందించారు. ఈ సందర్భంగా మంత్రి స్థానికులను సమస్యలను అడిగి తెలుసుకున్నారు. వారి వినతి మేరకు కాలినడకన మంత్రి పలు వీధులను పరిశీలించారు. హెచ్​బీ కాలనీ డ్రైనేజీ పంపింగ్ హౌస్​కు చుట్టూ ప్రహరీ నిర్మాణం పనులు చేపట్టాలని నగర పాలక సంస్థ అధికారులను ఆదేశించారు. ఈ కార్యక్రమంలో నగర మేయర్ రాయన భాగ్యలక్ష్మి, డిప్యూటీ మేయర్ బెల్లం దుర్గ, స్థానిక కార్పొరేటర్లు పాల్గొన్నారు.

ఇదీ చదవండి: