కృష్ణా జిల్లా నందిగామ మండలం మునగచర్ల జాతీయ రహదారిపై ప్రమాదం జరిగింది. ప్రైవేట్ ట్రావెల్స్ బస్సు హైదరాబాద్ నుంచి ఏలూరుకు వెళ్తుండగా వెనక నుంచి లారీ ఢీ కొట్టింది. బస్సు, లారీ రోడ్డు పక్కనే బోల్తా పడ్డాయి. ప్రమాద సమయంలో.. బస్సులో సుమారు 30 మంది ప్రయాణికులు ఉన్నారు. మొత్తం ఆరుగురికి తీవ్ర గాయాలు కాగా, లారీ క్యాబిన్లో ఇద్దరు ఇరుక్కుపోయారు. గంట పాటు శ్రమించి పోలీసులు వారిని బయటకు తీసుకువచ్చారు.
బస్సు.. 30 మంది ప్రయాణికులతో పూర్తిగా బోల్తా పడింది. ఆ సమయంలో అంతా గందరగోళానికి గురయ్యారు. ప్రయాణికులు ఒక్కసారిగా ఏమి జరిగిందో అని ఆందోళనకు గురయ్యారు. ఈ ఘటన ఊరికి చివరలో జరిగిన పరిస్థితుల్లో... బాధితులను కాపాడేందుకు ఎవరూ ముందుకురాలేదు. ప్రయాణికులు బస్సు అద్దాలను పగలగొట్టుకుని బయటకు వచ్చామని తెలిపారు. పోలీసులు ఘటనా స్థలానికి చేరుకొని గాయపడిన వారందర్నీ నందిగామ ప్రభుత్వ ఆసుపత్రికి తరలించారు.
ఇదీ చదవండి:
స్మార్ట్ వ్యథలు : ఆన్లైన్ విద్యకు అడుగడుగునా కన్నీటి గాథలే!
