పెట్రోల్, డీజిల్ ధరలు తగ్గించాలంటూ ఆందోళన

ప్రపంచవ్యాప్తంగా పెట్రోలియం ఉత్పత్తుల ధరలు తగ్గుతుంటే.. మనదేశంలో వాటి ధరలు రోజురోజుకూ పెంచేస్తున్నారని.. డీవైఎఫ్​ఐ నాయకులు అన్నారు. పెట్రోల్, డీజిల్ ధరలు తగ్గించాలంటూ విజయవాడలో నిరసన చేపట్టారు.

రోజురోజుకు పెరుగుతున్న పెట్రోల్, డీజిల్ ధరలు తగ్గించాలని డిమాండ్ చేస్తూ డీవైఎఫ్ఐ ఆధ్వర్యంలో విజయవాడ అజిత్ సింగ్ నగర్ కృష్ణా హోటల్ సెంటర్​లో నిరసన తెలిపారు. యువత, పలువురు మోటారు రంగ కార్మికులు ప్లకార్డులు చేత పట్టుకొని ఆందోళన నిర్వహించారు. డీవైఎఫ్ఐ రాష్ట్ర ప్రధాన కార్యదర్శి ఎం. సూర్యారావు మాట్లాడుతూ.. ప్రపంచ వ్యాప్తంగా పెట్రోలియం ఉత్పత్తుల ధరలు తగ్గుతుంటే మన దేశంలో 2 వారాల నుంచి ధరలు విపరీతంగా పెంచుతున్నారని విమర్శించారు. వెంటనే ధరలు తగ్గించకుంటే ఆందోళన తీవ్రం చేస్తామని కేంద్ర, రాష్ట్ర ప్రభుత్వాలను హెచ్చరించారు.

ఇవీ చదవండి.. కొరవడిన పర్యవేక్షణ... నీరు వృథా..!