బెంగళూరుకు చెందిన దేవరాజ్ చిన్నప్పుడే పోలియోకు గురైయ్యాడు. నడుము కింద భాగం పూర్తిగా పని చేయడం మానేసింది. అక్కడే ఉండి కుటుంబానికి భారం కాలేక విజయవాడకు వచ్చేశాడు. కేదారేశ్వరపేట పండ్ల మార్కెట్ సమీపంలో కిళ్లీ బడ్డీ పెట్టుకొని జీవనం సాగిస్తున్నాడు. కరోనా దాటికి లాక్డౌన్ విధించడం.. జన సంచారం లేక వ్యాపారం లేకుండాపోయింది. ఇలాంటి పరిస్థితుల్లో తనకు ద్విచక్ర వాహనం జీవనాధారమైంది. ద్విచక్ర వాహనానికి చిన్న మంచం కట్టి తనకు అనుకూలంగా మార్చుకున్నాడు. పోలీసులు అనుమతించిన సమయాల్లో పండ్లు అమ్ముతూ జీవనం కొనసాగిస్తున్నాడు. పోలియోతో కాళ్లు పని చేయకపోయినా ఒకరిపై ఆధారపడకుండా కష్టకాలంలోనూ మనోధైర్యంతో జీవనం సాగిస్తున్నాడు దేవరాజ్.
ఇవీ చూడండి...
