గుంటూరు జిల్లా నరసరావుపేట మండలం చిన్న తురకపాలెం వద్ద ట్రాక్టర్ బోల్తా పడి ఓ మహిళ మృతి చెందింది. ఇద్దరికి తీవ్ర గాయాలయ్యాయి. కూలీ పనుల నిమిత్తం గ్రామానికి చెందిన కొందరు ట్రాక్టర్లో పొలానికి బయలుదేరారు. గ్రామశివారుకు చేరుకోగానే వారు ప్రయాణిస్తున్న ట్రాక్టర్ స్టీరింగ్ విరిగిపోయింది. దాంతో వాహనం అదుపుతప్పి బోల్తా పడింది. సమాచారం తెలుసుకున్న స్థానికులు, క్షతగాత్రులను పట్టణంలోని ప్రభుత్వ వైద్యశాలకు తరలించారు. గద్దె అచ్చమ్మ అనే మహిళ అప్పటికే మృతి చెందారని వైద్యులు ధృవీకరించారు. మృతదేహాన్ని పోస్టుమార్టం నిమిత్తం ఆసుపత్రిలో ఉంచారు. తీవ్రంగా గాయపడిన మరో ఇద్దరిని మెరుగైన చికిత్స కోసం ప్రయివేట్ ఆసుపత్రికి తరలించారు.
ఇదీ చదవండి:
