కృష్ణా జిల్లాలో...
కరోనా వైరస్ నివారణకు కృషి చేస్తున్న వైద్యులు, ఇతర సిబ్బందికి విజయవాడలోని ప్రజలు చప్పట్లతో సంఘీభావం తెలిపారు. లోటస్ ,ల్యాండ్మార్క్ అపార్ట్మెంట్ వాసులు బయటకు వచ్చి కరతాళధ్వనులతో సంఘీభావం ప్రకటించారు. మహమ్మద్పేట ప్రజలు కరోనా వ్యాప్తి చెందకుండా దేశంకోసం పని చేస్తున్న వివిధ సిబ్బందికి సంఘీభావంగా చప్పట్లు కొట్టారు. పోలీస్ యంత్రాంగానికి, వైద్య బృందానికి, పాత్రికేయ మిత్రులకు అభినందనలు తెలియజేస్తూ డప్పు చప్పుళ్లు చేశారు.
విజయనగరం జిల్లాలో...
విజయనగరం జిల్లా సాలూరు పట్టణంలోని ప్రజలు కరోనా వైరస్ నివారణకు కృషి చేస్తున్న వివిధ సిబ్బందికి సంఘీభావంగా చప్పట్లు కొట్టారు. ఇళ్లనుంచి అందరూ బయటకి వచ్చి చప్పుళ్లు చేశారు.
నెల్లూరు జిల్లాలో...
నెల్లూరు పట్టణంలో దేశంకోసం పని చేస్తున్న వివిధ సిబ్బందికి ప్రజలు సంఘీభావంగా చప్పట్లు కొట్టారు. ఈ కార్యక్రమంలో పోలీసులు కూడా వారితో పాటు చప్పట్లు కొట్టారు.
గుంటూరు జిల్లాలో...
గుంటూరు జిల్లా పిడుగురాళ్లలో కరోనా వైరస్ నివారణకు కృషి చేస్తున్న వైద్యులు, ఇతర సిబ్బందికి చిన్నారులు చప్పట్లతో సంఘీభావం తెలిపారు.
