బాపట్ల వ్యవసాయ కళాశాలకు రావడం గర్వంగా ఉంది : నాబార్డు ఛైర్మన్

బాపట్ల వ్యవసాయ కళాశాలలో నిర్మించిన నూతన భవనాన్ని నాబార్డ్ ఛైర్మన్ చింతల గోవిందరాజులు ప్రారంభించారు. నాబార్డ్ ఛైర్మన్ గా బాధ్యతలు చేపట్టాక తొలిసారిగా ఆయన ఈ కళాశాలలో పర్యటించారు. ఈ సందర్భంగా కళాశాల అధికారులు చింతల గోవిందరాజులుకు ఘనస్వాగతం పలికారు.

గుంటూరు జిల్లా బాపట్ల వ్యవసాయ కళాశాలలో రూ.50 కోట్లతో నిర్మించిన నూతన భవనాన్ని నాబార్డ్ ఛైర్మన్‌ చింతల గోవిందరాజులు ప్రారంభించారు. కళాశాల ఏర్పాటై 75 ఏళ్లు పూర్తయిన సందర్భంగా నిర్వహించిన ప్లాటినం జూబ్లీ ఉత్సవాల్లో భాగంగా ఈ కొత్త భవనాన్ని నిర్మించారు.

ఏజీ కళాశాల పూర్వ విద్యార్థి అయిన చింతల గోవిందరాజులు... నాబార్డు ఛైర్మన్‌గా బాధ్యతలు చేపట్టాక తొలిసారి బాపట్ల కళాశాలకు వచ్చారు. ఈ సందర్భంగా కళాశాల అధికారులు, అధ్యాపకులు ఆయనకు ఘన స్వాగతం పలికారు. ఈ కార్యక్రమంలో వ్యవసాయ శాఖ మంత్రి కురసాల కన్నబాబు, ఉప సభాపతి కోన రఘుపతి, ఎంపీ బాలశౌరి, అగ్రూ ఉపకులపతి ఏ.విష్ణువర్ధన్‌రెడ్డి పాల్గొన్నారు. ఈ కళాశాలలో చదువుకుని, క్రమశిక్షణతో ఉండటం వల్లే ఈ స్థాయికి ఎదిగానని, ఈ కళాశాలకు రావటం ఎంతో గర్వకారణంగా ఉందని నాబార్డ్ ఛైర్మన్ గోవిందరాజులు తెలిపారు.

ఇదీచదవండి.