Crop Damage With Michaung Cyclone : మిగ్జాం తుపాను రైతులకు చేదు మిగిల్చింది. ఉమ్మడి కృష్ణా జిల్లాలో వందల ఎకరాల్లో వరి పంట (Paddy Crop Damage) నీట మునిగి దెబ్బతింది. తడిసిన ధాన్యం ఆరబెట్టుకోవడానికి రైతులు అవస్థలు పడుతున్నామని రైతులు అంటున్నారు. తుఫాన్ తగ్గి మూడు రోజులు కావస్తున్నా నేటికి రక్షణ చర్యలు చేపట్టాల్సిన ప్రభుత్వం ఆ దిశగా చర్యలు చేపట్టలేదని రైతులు ఆవేదన వ్యక్తం చేస్తున్నారు. తుఫాన్ తగ్గి మూడు రోజులైనా వ్యవసాయ అధికారులు పొలానికి వచ్చి పరిస్థితి ఏంటో తెలుసుకోవడం లేదని రైతులు వాపోతున్నారు. రైతు భరోసా అధికారులను ఇదే అంశంపై ప్రశ్నిస్తే ఫొటోలు తీసుకుని ఉంచండి ప్రభుత్వం చెబితే మేము రాస్తామని బదులిస్తున్నారని రైతులు ఆగ్రహం వ్యక్తం చేస్తున్నారు.
Michaung Cyclone in AP : అప్పులు చేసి పండించిన అరటి పంట తుఫాన్ ధాటికి నెలకొరిగింది. మరో రెండు వారాల్లో పంట చేతికొస్తుందని భావిస్తే ఈ తుఫాన్ మా బతుకుల్లో దుఖాన్ని నింపిందని అరటి రైతులు ఆవేదన వక్తం చేస్తున్నారు. ఒక్కో రైతు పదుల ఎకరాలు కౌలుకు తీసుకుని అరటి పంట వేశాడు. పంట చేతికొచ్చి లాభాలు చూసే సమయానికి ప్రకృతి తీరనినష్టం మిగిల్చింది. ఎకరాకు 80 వేల నుంచి లక్ష రూపాయల పెట్టుబడి పెట్టామని ఒక్క పైసా తమ చేతికి వచ్చే పరిస్థితి లేదని అంటున్నారు.
ఉప్పొంగిన కొండవీటి వాగు - చెరువులను తలపిస్తున్న పంట పొలాలు
AP Farmers Problems due to Heavy Rains : పల్నాడు జిల్లా రైతుల కష్టాల్ని మిగ్జాం తుపాను నీటి పాలు చేసింది. ఈ ఏడాది నీటి సమస్య ఎదురైనా వెనకడుగువేయకుండా రైతులు సాగుచేశారు. కష్టానికి ఫలితంగా ప్రత్తి, మిరప, కంది, మినుము కాపు ఆశాజనకంగానే ఉండటంతో అన్నదాతలు ఆనందపడ్డారు. వారి ఆనందాల్ని తుపాను దూరం చేసింది. వాగులన్నీ పొంగటంతో నరుకుళ్లపాడు, యనికపాడు , ఉంగుటూరు పెదమద్దూరులో పంటలన్నీ దెబ్బతిన్నాయి.
Heavy Rains in Andhra Pradesh : కాకినాడ జిల్లాలో వరి పంట నీట నాని కుళ్లిపోతోంది. జిల్లా వ్యాప్తంగా 70 వేల ఎకరాలకుపైగా వరి తీవ్రంగా దెబ్బతింది. కాకినాడ గ్రామీణ మండలం కొవ్వూరులో వరి పొలాలను చూసి రైతులు తీవ్ర ఆవేదన చెందుతున్నారు. తడిచిన ధాన్యం ఆరబెట్టేందుకు తీవ్రంగా శ్రమిస్తున్నారు. తక్షణం ధాన్యం కొనుగోలు చేయాలని వేడుకుంటున్నారు.
నడుము లోతు నీటిలో మునిగిన వరి పైరు - అధికారుల నిర్లక్ష్యంతో తీవ్రంగా నష్టపోయిన రైతులు
Farmers Problems in AP With Michaung Cyclone : కోనసీమ జిల్లా రాజోలు, పి.గన్నవరం, కొత్తపేట,అమలాపురం, ముమ్మిడివరం నియోజకవర్గాల్లో వరి రైతులకు అపార నష్టం వాటిల్లింది. అయినివిల్లి మండలంలో దాదాపు 90 శాతం వరి కోతలు కోయాల్సి ఉంది. నీటిలో నాని వరి మొలకెత్తుతోంది. తడిసిన ధాన్యం కొనుగోలుకు మిల్లర్లు ఆసక్తి చూపడం లేదు.
AP Government on Crop Loss : ఇప్పటికైనా ప్రభుత్వం స్పందించి తాము నష్టపోయిన పంటకు నష్ట పరిహారం చెల్లించాలని రైతులు కోరుతున్నారు. ఈ క్రాఫ్లో నమోదు చేసుకున్న తమకు ప్రభుత్వమే ఆదుకోవాని ఆవేదన వ్యక్తం చేస్తున్నారు. వచ్చే పంటను సాగుచేసుకోవడానికి అవసరమైన పంట రుణాలు మానవతా దృక్పథంతో రాష్ట్ర ప్రభుత్వం చెల్లించాలని విజ్ఞప్తి చేస్తున్నారు.
ఉత్తరాంధ్ర, గోదావరి జిల్లాల్లో భారీ వర్షాలు - ధాన్యం కొనుగోలు చేయడం లేదంటూ రైతుల ఆగ్రహం
