బావ-మరుదుల మధ్య గొడవ.. ఇరువర్గాల ఘర్షణగా మారింది!

గుంటూరు జిల్లా రాజుపాలెం మండలం అంచులవారిపాలెంలో బావబావమరుదుల మధ్య మెుదలైన గొడవ ఇరువర్గాల ఘర్షణకు దారితీసింది. పశువుల కొట్టం విషయంలో వచ్చిన వివాదం.. కర్రలు, రాళ్లతో కొట్టుకునేదాకా వెళ్లింది.

గుంటూరు జిల్లా అంచులవారిపాలెంలో 4 సెంట్ల స్థలంలోని పశువుల కొట్టం విషయంలో బావ, బావమరుదులు అయిన గలబ బసవయ్య, వేపూరి శ్రీనివాసరావు మధ్య వాగ్వాదం జరిగింది. ఈ గొడవ కాస్త చినికి చినికి గాలివానై ఇరువర్గాల మధ్య ఘర్షణకు దారితీసింది. గ్రామంలోని అనేక మంది పరస్పరం రాళ్లు, కర్రలతో దాడి చేసుకున్నారన్నారని స్థానికులు చెబుతున్నారు. ఈ కారణంగా గ్రామంలో ఉద్రిక్త వాతావరణ నెలకొంది.

ఘర్షణలో ఇరువర్గాలలోని నలుగురికి తీవ్ర గాయాలయ్యాయి. గాయాలైన వారిని గ్రామస్థులు సత్తెనపల్లిలోని వైద్యశాలకు తరలించారు. వారి పరిస్థితి ఆందోళనకరంగా ఉండటంతో మెరుగైన వైద్యం కోసం గుంటూరు జీజీహెచ్​ తరలించారని బంధువులు వివరించారు. సమాచారం అందుకున్న పోలీసులు గ్రామానికి చేరుకుని పోలీస్ పికెట్ ఏర్పాటు చేశారు. వివాదంపై విచారణ చేపట్టారు.

ఇదీ చదవండి: