ఫలితాలు విడుదల చేస్తున్న విజయరాజు
వ్యాయామ కళాశాలలో చేరేందుకు ఉన్నత విద్యా మండలి నిర్వహించిన ఏపీ పీఈ సెట్ ఫలితాలు ఇవాళ విడుదలయ్యాయి. ఉన్నత విద్యా మండలి ఛైర్మన్ ఆచార్య విజయరాజు... నాగార్జున విశ్వవిద్యాలయంలో పలితాలు విడుదల చేశారు. ఫలితాలలో మొదటి 10 ర్యాంకుల్లో 8 ర్యాంకులను అమ్మాయిలు కైవసం చేసుకున్నారు. మొదటి ర్యాంకును కర్నూలుకు చెందిన హారిక, ద్వితీయ ర్యాంకును ప్రకాశం జిల్లాకు చెందిన రేవతి, తూర్పుగోదావరి జిల్లాకు చెందిన వినీల ప్రియదర్శిని సొంతం చేసుకున్నారు. ఈనెల 17 నుంచి ఉన్నత విద్యా మండలి వెబ్సైట్ ద్వారా ర్యాంక్ కార్డులు డౌన్లోడ్ చేసుకోవచ్చని విజయరాజు చెప్పారు.
