అగ్రిగోల్డ్ బాధితులకు చెల్లింపుల విషయంలో ప్రభుత్వం ఆలస్యం చేస్తోందంటూ అగ్రిగోల్డ్ కస్టమర్స్, ఏజెంట్స్ వెల్ఫేర్ అసోషియేషన్ రాష్ట్ర ఉపాధ్యక్షుడు చంద్రశేఖర్ గుంటూరులో ఆగ్రహించారు. హైకోర్టు ఆదేశాలు రావాలని సీఐడీ అధికారులు మోకాలడ్డుతున్నారని ఆయన ఆరోపించారు. 10 వేల లోపు కట్టిన 3 లక్షల 45వేల మంది డిపాజిటర్లకు చెల్లింపులు చేసినపుడు కోర్టు అభ్యంతర పెట్టలేదని గుర్తు చేశారు.
అధికారంలోకి వచ్చిన ఆరు నెలల్లో అందరికీ చెల్లింపులు చేస్తామని చెప్పి ఇపుడు ఏడాదిన్నర గడిచినా ఇంకా నెరవేర్చకపోవటం సరికాదన్నారు. 20 వేలలోపు డిపాజిట్లు ఉన్న వారికి ఈ ఏడాది డిసెంబర్ లోగా... అంతకు మించి కట్టిన వారికి 2021 మార్చికల్లా చెల్లింపులు పూర్తి చేయాలని డిమాండ్ చేశారు. గత ప్రభుత్వం చేసినట్లుగా కాలయాపన చేస్తే వారికి పట్టిన గతే వైకాపా సర్కారుకు పడుతుందని ఆయన హెచ్ఛరించారు.
ఇదీ చదవండి:
