తూర్పు గోదావరి జిల్లాకు చెందిన వెంకట్రావు, లక్ష్మిలు చాలా సంవత్సరాల క్రితం హైదరాబాద్ వచ్చి స్థిరపడ్డారు. కొన్నినెలల క్రితం వరకూ తెలంగాణలోని ఫతేనగర్లో ఉండేవారు. ఇటీవలే బోయినపల్లిలోని కంసాలి బజార్కు వచ్చారు.
ప్రేమించాడు.. పెద్దలను ఒప్పించాడు...
వెంకట్రావు కుమారుడు భాస్కర్ ఇంజినీరింగ్ పూర్తి చేశాడు. బంధువులకు చెందిన ప్లాస్టిక్ మోడలింగ్ కంపెనీలో పనిచేస్తున్నాడు. అతను కుత్బుల్లాపూర్లోని ఓ యువతిని ప్రేమించాడు. కుటుంబ సభ్యులను ఒప్పించి పెళ్లిచేసుకున్నాడు.
భార్యాభర్తల మధ్య మనస్పర్థలు...
భాస్కర్ వివాహం అనంతరం సరిగా విధులకు వెళ్లడం లేదు. ఈక్రమంలో భార్యాభర్తల మధ్య మనస్పర్థలు చెలరేగాయి. ఈనెల 11వ తేదీన తన భార్యను పుట్టింటికి పంపించిన అతను తల్లిదండ్రులతో కలిసి ఇంట్లో ఉన్నాడు.
అర్ధరాత్రి సమయంలో...
భార్య దూరంగా ఉండడం వల్ల మనస్తాపానికి గురైన భాస్కర్ రాత్రి సీలింగ్ ఫ్యాన్కు ఉరేసుకున్నాడు. గమనించిన తల్లిదండ్రులు అతన్ని హుటాహుటిన ఓ ప్రైవేటు ఆసుపత్రికి తరలించారు. కానీ.. అతను అప్పటికే మృతి చెందాడు. మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. దీనిపై పోలీసులు కేసు నమోదు చేసి దర్యాప్తు చేస్తున్నారు.
ఇదీ చూడండి:
