తూర్పుగోదావరి జిల్లా నడకుదురు ప్రాంతం.. నిర్జన ప్రదేశంలో కాలిన మృతదేహం.. అటుగా వెళ్తూ గమనించిన వ్యక్తి.. పోలీసులకు ఫోన్‌ చేశాడు. కాసేపట్లో.. సైరన్‌ మోగించుకుంటూ.. పోలీసులు రంగంలోకి దిగారు. క్లూస్‌ టీం ఆధారాల వేటలో ఉంది. జాగిలాలు.. వాసన చూస్తూ మృతదేహం వద్దకు వెళ్లాయి. అక్కడ గుర్తుపట్టలేనంతగా కాలిన మృతదేహం ఉంది.ఎవరిదోకూడా పోలీసులకు అర్థంకాలేదు. ఘటనాస్థలిలో కాల్చిపారేసిన సిగిరెట్లు, మద్యం సీసాలు.. గుర్తించారు. వాటి ఆధారంగా మద్యం మత్తులో ఏదో గొడవ జరిగిందని.. ఆ పెనుగులాటలో హత్య చేసి ఉంటారని పోలీసులు ప్రాథమికంగా అనుమానించారు.
విచారణ క్రమంలో పోలీసుల ప్రాథమిక అంచనాలు తప్పని తేలింది. ఆ గుర్తుపట్టలేనంతగా కాలిన మృతదేహం రామచంద్రపురం మండలం వెల్ల గ్రామానికి చెందిన సతీష్‌దని.. అతన్ని చంపి తగలబెటట్టింది అర్జవేణి, రాజశ్వరి అనే అక్కాచెల్లెళ్లని.. నిర్థరణైంది. వివాహేతర సంబంధమే హత్యకు కారణమని తేలింది. పక్కా పథకం ప్రకారం సురేష్‌ను.. నిర్జన ప్రాంతానికి రప్పించిన అక్కాచెల్లెళ్లు.. దారుణంగా హతమార్చారు.
ఈ కేసు ఛేదనలో..సురేష్‌ సైకిల్‌ తాళం చెవి కీలకంగా మారింది. ఘటనాస్థలిలో లభ్యమైన ఆ తాళంచెవి ఆధారంగా..పోలీసులు వేట మొదలుపెట్టారు. హత్యకు సమీపంలో తాళం వేసి ఉన్న ఓ సైకిల్‌ను గుర్తించారు. ఆ తాళం ఆ సైకిల్‌దేనని నిర్థరణకువచ్చిన పోలీసులు.. సమీపంలోని సీసీ కెమెరాల్లో రికార్డైన దృశ్యాలను పరిశీలించారు. ఫోన్‌కాల్స్‌,ఇతర సాంకేతిక ఆధారాలతోనిందితుల్ని అరెస్టు చేశారు. నిందితులను అరెస్టు చేసిన పోలీసులు రిమాండ్‌కు తరలించారు.
ఇవీ చదవండి: ప్రభుత్వ మద్యం దుకాణంలో చోరీ... కొనసాగుతున్న దర్యాప్తు
