తూర్పు గోదావరి జిల్లా అమలాపురం డివిజన్లోని ఉప్పలగుప్తం మండలం చిన్న గాడవిల్లిలో పోలీసులు వాహనాలను తనిఖీ చేస్తుండగా మద్యం బయటపడింది. యానాంకు చెందిన కనకాల సురేష్ నక్కల శ్రీనివాస్, దంగేటి సత్య దుర్గాప్రసాద్ నుంచి కారులో లక్షా 40 వేల రూపాయలు విలువచేసే 1647 మద్యం సీసాలను యానం నుంచి కారులో తరలిస్తున్నారు.
చిన్న గాడవిల్లిలో పోలీసుల తనిఖిలు గమనించిన ముగ్గురు వ్యక్తులు కారును రోడ్డు పక్కన నిలిపి అక్కడ నుంచి పరారయ్యేందుకు ప్రయత్నించగా.. పోలీసులు వెంబడించి నిందితులను అరెస్టు చేశారు. ఉప్పలగుప్తం మండలం చిన్న గాడవిల్లికి చెందిన గోవిందరాజులు అనే వ్యక్తికి మద్యాన్ని విక్రయిస్తున్నట్లు పోలీసులు తెలిపారు.
మద్యం సీసాలు స్వాధీనం చేసుకున్నామని అమలాపురం రూరల్ సీఐ జి సురేష్ బాబు తెలిపారు. నిందితులను చాకచక్యంగా పట్టుకున్న ఉప్పలగుప్తం ఎస్ఐ జీ వెంకటేశ్వరరావును డి ఎస్పీ వై.మాధవ రెడ్డి అభినందించారు.
ఇదీ చదవండి:
Achenna: నిధులున్న కార్పొరేషన్లన్నీ సీఎం సొంత వర్గానికే: అచ్చెన్న
