ఇసుక అక్రమ రవాణా.. 11 మంది అరెస్టు

తూర్పు గోదావరి జిల్లా పి.గన్నవరం మండలం ఎర్రంశెట్టివారిపాలెంలో ఇసుక అక్రమ రవాణాపై పోలీసులు దాడులు నిర్వహించారు. ఈ దాడుల్లో 6 లారీలు, 2 జేసీబీలు స్వాధీనం చేసుకుని... పదకొండు మందిని అరెస్టు చేశారు.

తూర్పుగోదావరి జిల్లా అమలాపురం డీఎస్పీ వై.మాధవరెడ్డి ఆధ్వర్యంలో.. పోలీసులు దాడులు చేశారు. ఇసుక అక్రమ రవాణాల చేస్తున్న వారిపై చర్యలు తీసుకున్నారు. పి.గన్నవరం మండలం ఏనుగుపల్లి గ్రామంలో జగనన్న ఇళ్ల స్థలాలు మెరక చేసేందుకు గతంలో అధికారులు అనుమతినిచ్చారు.

ఈ వంకతో రాత్రి సమయంలో ఎర్రంశెట్టివారిపాలెం సమీపంలోని గోదావరి నుంచి ఏనుగు పల్లి గ్రామానికి ఇసుక రవాణా చేస్తున్నారని పి. గన్నవరం ఎస్సై జి.సురేంద్ర తెలిపారు. అర్థరాత్రి 1 నుంచి తెల్లవారుజామున 4 గంటల వరకు చేసిన దాడుల్లో 6 లారీలు, 2 జేసీబీలు స్వాధీనం చేసుకున్నామన్నారు. మొత్తం 11 మందిని అరెస్టు చేసినట్టు చెప్పారు.

ఇదీ చదవండి: