తూర్పు గోదావరి జిల్లా మారేడుమిల్లి పోలీస్ స్టేషన్ వద్ద రూ.40 లక్షల విలువైన రెండు వేల కిలోల గంజాయిని పోలీసులు పట్టుకున్నారు. సోమవారం సాయంత్రం పోలీస్స్టేషన్ ఎదుట వాహనాలను తనిఖీ చేస్తుండగా.. కూరగాయల లోడుతో వెళ్తున్న ఐచర్ వ్యాన్లో గంజాయిని గుర్తించినట్లు సీఐ రవికుమార్ తెలిపారు.
తనిఖీల్లో పట్టుబడిన గంజాయి వివరాలను రంపచోడవరం ఏఎస్పీ బిందు మాధవ్ వెల్లడించారు. ఒడిశాలోని మల్కాన్గిరి జిల్లా నుంచి మారేడుమిల్లి మీదుగా హైదరాబాద్కు గంజాయిని తరలిస్తున్నట్లు ఆయన తెలిపారు. పట్టుబడ్డ గంజాయితో పాటు వ్యాను, ఒక ద్విచక్ర వాహనం, 5 సెల్ ఫోన్లను సీజ్ చేశామని ఆయన చెప్పారు. మొత్తం ఐదుగురు వ్యక్తులను అదుపులోకి తీసుకున్నామని.. వారిపై వివిధ సెక్షన్ల కింద కేసు నమోదు చేయనున్నట్లు ఏఎస్పీ తెలిపారు.
ఇదీ చదవండి:
