హుండీ చోరీకి విఫలయత్నం.. స్థానికుల అప్రమత్తతో పరార్

పట్టపగలే.. దొంగలు ఆలయంలో హుండీ పగులగొట్టే ప్రయత్నం చేసిన ఘటన.. చిత్తూరు జిల్లా కుప్పంలో కలకలం సృష్టించింది. విషయం గమనించిన స్థానికులు వెంటనే అప్రమత్తమై వెంబడించారు. దొంగలు అక్కడి నుంచి పరారయ్యారు.

చిత్తూరు జిల్లా కుప్పంలోని ఓ ఆలయంలో హుండీ చోరీకి దొంగలు విఫలయత్నం చేశారు. మోడల్‌ కాలనీలోని ఆలయంలో.. దొంగతానికి ప్రయత్నించారు. ముసుగులు ధరించి వచ్చిన నలుగురు వ్యక్తులు.. హుండీని పగులగొట్టేందుకు చూశారు. స్థానికులు గుర్తించి వెంబడించగా.. దుండగులు అక్కడి నుంచి పరారయ్యారు. ఈ దృశ్యాలన్నీ సీసీటీవీలో రికార్డయ్యాయి. వీటి ఆధారంగా పోలీసులు కేసు నమోదు చేసి దర్యాప్తు ప్రారంభించారు.

ఇవీ చూడండి: