తిరుపతిలో జోరుగా వర్షం..నగరవాసులకు ఉపశమనం

అసలే వేసవి... అందునా లాక్​డౌన్​తో ఇళ్లకే పరిమితమైన తిరుపతి పట్టణవాసులకు కురిసిన వర్షం కొంత ఉపశమనం కల్పించింది. జోరుగా కురిసిన వానకు పట్టణంలో కాలువలు పొంగిపొర్లాయి.

నిన్నటి దాకా మండుటెండలతో ఠారెత్తిన తిరుపతిలో ఈ రోజు జోరుగా వర్షం కురిసింది. నగరంలో పలు రహదారులు వర్షం నీటితో జలమయమయ్యాయి. ఏకధాటిగా కురిసిన వర్షంతో పలు చోట్ల కాలువలు పొంగిపొర్లగా...కరోనా లాక్​డౌన్ వేళ రహదారులపై ఎక్కడా వర్షపు నీరు నిలవకుండా పారిశుద్ధ్య కార్మికులు కృషి చేస్తున్నారు. నగరంలో రహదారులపైకి ప్రజలెవ్వరినీ రానీయకుండా పోలీసులు కట్టుదిట్టంగా లాక్​డౌన్​ను అమలు చేస్తున్నారు.

ఇదీ చదవండి: లాక్​డౌన్​ను మరింత కఠినంగా అమలు చేస్తాం: కలెక్టర్