వర్ణాలు వేరైనా మనుషులంతా ఒక్కటేలే

వర్ణాల్లో ఎన్ని వ్యత్యాసాలున్నా... అన్ని రంగులు పులుముకుంటే అందరం ఒకేలా కనిపిస్తాం. అలా కనిపించేందుకు ఒళ్లంతా రంగులు పూసుకొని మనుషులంతా ఒక్కటని చెప్పే పండుగే ఈ హోలీ.

ఎరుపు, పసుపు, తెలుపు, నలుపు, నీలం, ఆకుపచ్చ... ఇలా విభిన్న రకాల రంగులతో ఆనందంగా జరుపుకునే పండుగే హోలీ. ఒక్కో చోట ఒక్కో పేరుతో పిలుచుకున్నప్పటికీ... హోలీ అంతరార్థం మాత్రం ఒక్కటే. వర్ణబేధం లేకుండా మనుషులంతా ఒక్కటేనని చాటడం.

తెలుపు, నలుపు తేడాలొద్దు

ప్రాంతాన్ని బట్టి మనుషుల మధ్య వర్ణబేధం ఉంటుంది. అమెరికాకి చెందిన వాళ్లు తెల్లగా, ఆఫ్రికా దేశస్థులు నల్లగా, భారతీయులు చామనఛాయ రంగులో ఉంటారు. ఈ తేడాలకు కేవలం వేర్వేరు ప్రాంతాల్లో నివసించడం, ఆహారపు అలవాట్లు, శీతోష్ణస్థితి కారణం. ఒకరు ఎక్కువ, ఒకరు తక్కువని కాదనే విషయాన్ని చెప్పడానికే హోలీ పండగ జరుపుకుంటాం. ఒకరికొకరు రకరకాల రంగులు పులుముకుంటు మనమంతా ఒక్కటేనని చాటిచెబుతాం.

ఇవీ చదవండి:భారత్​ భేరి: చిన్నోళ్లైనా చితక్కొడతారట