రాష్ట్రవ్యాప్తంగా ఎంసెట్ కౌన్సెలింగ్ ప్రారంభం

ఇంజినీరింగ్, ఫార్మసీ, వైద్య విద్యలో ప్రవేశాల కోసం నిర్వహించే ఎంసెట్ కౌన్సెలింగ్ రాష్ట్రవ్యాప్తంగా ప్రారంభమైంది. మెుత్తం 24 కేంద్రాలను ఏర్పాటు చేయగా.. ఒక్క విజయవాడలోనే 3 కేంద్రాలను ఏర్పాటు చేశారు.

నేటినుంచి ఎంసెట్​ కౌన్సెలింగ్​ ప్రక్రియ మొదలైంది. ఇప్పటికే చాలామంది ఆన్​లైన్​లో ఈ ప్రక్రియను పూర్తి చేసుకోగా..అందులో ఇబ్బందులున్న వారు ఆయా కేంద్రాల్లో ధ్రువపత్రాల పరిశీలనకు హాజరయ్యారు. దాదాపు ఆరు రోజులపాటు ధృవపత్రాల పరిశీలన నిర్వహించనున్నారు. 3 నుంచి 8వ తేదీ వరకు అభ్యర్థులు వెబ్ ఆప్షన్లను నమోదు చేసుకోవాల్సి ఉండగా....ఈ నెల 9న ఆప్షన్లు మార్చుకునేందుకు అవకాశం ఉంటుంది. ఈ నెల 11న నమోదు చేసుకున్న వెబ్ ఆప్షన్ల ఆధారంగా విద్యార్థులకు సీట్లు కేటాయించనున్నారు. విద్యార్థులకు ఎలాంటి ఇబ్బందులు తలెత్తకుండా అధికారులు ఏర్పాట్లు చేశారు.