ఓఎల్ఎక్స్ యాప్లో విక్రయానికి ఉంచిన ద్విచక్ర వాహనాలు అపహరించిన 16 ఏళ్ల బాలుడిని.. అనంతపురం జిల్లా కదిరి పోలీసులు అరెస్టు చేశారు. కదిరిలో వాహనాలను తనిఖీ చేస్తున్న పోలీసులను చూసి బాలుడు పారిపోవడానికి యత్నించాడు. పోలీసులు అతడిని వెంబడించి అదుపులోకి తీసుకున్నారు. చిత్తూరు జిల్లా ములకలచెరువు, అనంతపురం జిల్లా హిందూపురం, కర్ణాటకలోని బిళ్లూరులో వాహనాలను తానే ఎత్తుకెళ్లినట్లు నిందితుడు అంగీకరించాడు.
ఇదీ చదవండి: కరోనా విలయం.. ఆ రాష్ట్రాల్లో దయనీయ ఘటనలు
పట్టణానికి చెందిన 16 ఏళ్ల బాలుడు.. ఓఎల్ఎక్స్ యాప్లో అమ్మకానికి ఉంచిన ద్విచక్ర వాహనాలను కొనుగోలు చేస్తానంటూ యజమానులకు ఫోన్లు చేస్తాడు. నడిపి చూసిన తర్వాత డబ్బులు చెల్లిస్తానని నమ్మించి.. వాహనాలతో పాటు ఉడాయిస్తాడని పోలీసులు తెలిపారు. నిందితుడిని అరెస్టు చేసిన పోలీసులు.. అతడి నుంచి మూడు ద్విచక్ర వాహనాలను స్వాధీనం చేసుకున్నారు.
ఇదీ చదవండి:
