దారి ఉన్నా ప్రమాదకరంగా గోడెక్కి వెళ్లాల్సిన దుస్థితి అనంతపురం జిల్లా ఉరవకొండలో నెలకొంది. పట్టణంలోని వీరశైవనగర్‌కు ప్రధాన రహదారి నుంచి మార్గం లేదు. కాలనీవాసుల వినతి మేరకు ప్రజాప్రతినిధులు 5 నెలల కిందట స్థానిక విద్యుత్తు కార్యాలయ ప్రాంగణం పక్కగా రోడ్డు వేశారు. దారి నిర్మాణంలో మొత్తం బంక మట్టిని వాడారు. ఇంకేం.. వర్షాలకు ఆ మట్టి బురదలా మారి అడుగుపెట్టలేని పరిస్థితి ఏర్పడింది. కాళ్లకు బురద అంటుకొని వదలడం లేదు. చెప్పులు అందులోనే ఇరుక్కుపోతున్నాయి. బురద తక్కువ ఉన్నచోట అడుగేస్తే జారుతోంది.
దీంతో ఆ మార్గంలో డిగ్రీ కళాశాలకు వెళ్తున్న యువతులు..గత్యంతరం లేక విద్యుత్తు కార్యాలయ ప్రహరీ ఎక్కి వెళుతున్నారు. ఆ గోడ పక్కనే ట్రాన్స్ఫార్మర్ ఉండటంతో ప్రజలు ఆందోళన వ్యక్తం చేస్తున్నారు. పెద్దలు మాత్రం ఆటోలో రెండున్నర కిలోమీటర్లు తిరిగి ప్రధాన రోడ్డుకు చేరుకుంటున్నారు.
ఇదీ చూడండి.
Water issue: ఆ పనులే రెండు రాష్ట్రాల మధ్య ఉద్రిక్తతలకు దారి తీస్తోంది: షెకావత్‌
