వాగులో పడి వ్యాపారి మృతి
అనంతపురం జిల్లా కంబదూరు మండలం జక్కిరెడ్డిపల్లి గ్రామాంలో విషాదం చోటు చేసుకుంది. ఆదివారం రాత్రి కురిసిన భారీ వర్షాలకు పలుచోట్ల వాగులు ప్రవహించాయి. ఆ గ్రామస్థుడు ప్రసాద్ తన వ్యాపార లావాదేవీల ముగించుకుని తన గ్రామానికి తిరిగి వస్తుండగా పోలీస్ స్టేషన్ సమీపంలో వాగులో పడిపోయాడు. తనపై ద్విచక్ర వాహనం పడిపోవడంతో అక్కడికక్కడే మృతి చెందాడని పోలీసులు తెలిపారు. మృతదేహాన్ని కళ్యాణదుర్గం ప్రభుత్వాసుపత్రికి తరలించారు.
