RTC bus stand roof collapses in Anantapur district: అనంతపురం జిల్లా గుత్తి ఆర్టీసీ బస్ స్టాండ్లో త్రుటిలో పెను ప్రమాదం తప్పింది. బస్టాండ్ పైకప్పు పెచ్చులు ఊడిపడి.. సుధా అనే మహిళ ప్రయాణికురాలికి తీవ్ర గాయాలయ్యాయి. అకస్మాత్తుగా పైకప్పులు పెచ్చులూడి పడడంతో.. బస్టాండ్లోని ప్రయాణికులు భయంతో బయటికు పరుగులు తీశారు. ఈ ప్రమాదంలో కర్నూలు జిల్లా ఎమ్మిగనూరుకు చెందిన సుధ అనే మహిళ ప్రయాణికురాలికి గాయాలయ్యాయి. గాయపడిన మహిళను ఆర్టీసీ అధికారులు హుటాహుటిన స్థానిక ప్రభుత్వాసుపత్రికి తరలించారు. పరీక్షించిన వైద్యులు మెరుగైన చికిత్స కోసం జిల్లా కేంద్రానికి తరలించారు.
ఆర్టీసీ బస్టాండ్ పైకప్పు శిథిల వ్యవస్థలో ఉందని, ఇప్పటికైనా సంబంధిత అధికారులు వెంటనే స్పందించాలని గాయపడిన ప్రయాణికురాలు కోరింది. ఇలాంటి ఘటనలు మరోసారి జరగకుండా తగు చర్యలు తీసుకోవాలని ప్రయాణికులు కోరుతున్నారు.
ఇవీ చదవండి
