ఆస్తి తగాదే... దంపతుల హత్యకు కారణమా..?

డి హిరేహాళ్ మండలంలో గుర్తుతెలియని వ్యక్తులు... దంపతులను రాళ్లుతో, కట్టెలతో కొట్టి హత్య చేశారు.

అనంతపురం జిల్లా రాయదుర్గంలో దారుణ హత్య జరిగింది. డి హిరేహాళ్ మండలంలోని గొల్లబసవరాజు, లక్ష్మీదేవి దంపతులను గుర్తుతెలియని వ్యక్తులు బండరాళ్లు, కర్రలతో దాడి చేసి చంపారు. కొన్ని రోజులు కిందట బసవరాజుకు వారి దాయాదులకు ఆస్తి గురించి ఘర్షణలు జరుగుతున్నాయని... ఈ విషయంపై కోర్టులో కేసు నడుస్తుందని బంధువులు, స్థానికులు తెలిపారు. ఆస్తి తగాదాలే హత్యకు కారణమని చెబుతున్నారు. పోలీసులు ఘటనా స్థలాన్ని పరిశీలించి కేసు నమోదు చేసుకొని దర్యాప్తు చేపట్టారు.

ఇవీ చదవండి