అనంతలో లాక్​డౌన్ యధాతథం

అనంతపురం జిల్లాలో లాక్​డౌన్ ఎత్తివేస్తారని వస్తున్న ఊహాగానాలకు డీఎస్పీ వెంకటరమణ తెరదించారు. తమకు ప్రభుత్వం నుంచి లిఖితపూర్వకంగా ఎటువంటి ఆదేశాలు రాలేదని స్పష్టం చేశారు. జిల్లా వ్యాప్తంగా లాక్​డౌన్​ని అమలుచేస్తామని వివరించారు.

అనంతపురం జిల్లా కళ్యాణదుర్గం నియోజకవర్గంలో లాక్​డౌన్ కొనసాగుతోందని డీఎస్పీ వెంకటరమణ స్పష్టం చేశారు. ఆదివారం రాత్రి ఆయన పట్టణంలో లాక్​డౌన్ అమలును పర్యవేక్షించారు. సోమవారం నుంచి లాక్​డౌన్ ఎత్తివేస్తున్నట్లు... అన్ని దుకాణాలు తెరుస్తున్నట్లు జోరుగా తప్పుడు ప్రచారం సాగుతుందన్నారు. ఈ విషయమై లిఖితపూర్వకంగా ప్రభుత్వం నుంచి తమకు ఎటువంటి ఆదేశాలు రాలేదని స్పష్టం చేశారు. ఎప్పటిలాగే లాక్​డౌన్​ని కఠినంగా అమలు చేస్తామని... ఇందుకు ప్రజలు సహకరించాలని ఆయన కోరారు.

ఇదీ చదవండి: తల్లిదండ్రులూ ఈ జాగ్రత్తలు పాటించండి..!