'రాష్ట్రంలో సారా దొరుకుతుంది గానీ ఇసుక దొరకదు'

రాష్ట్రంలో మద్యం దొరికినంత ఈజీగా ఏ వస్తువు దొరకడంలేదని ఏపీసీసీ అధ్యక్షుడు సాకే శైలజానాథ్ ఆరోపించారు. అనంతపురం జిల్లా కొడిగెనహళ్లిలో కాంగ్రెస్ సమావేశంలో పాల్గొన్న ఆయన... కార్యకర్తలకు దిశానిర్దేశం చేశారు. కేంద్ర, రాష్ట్ర ప్రభుత్వాల వైఫల్యాలను ప్రజల్లోకి తీసుకెళ్లాలని కార్యకర్తలకు సూచించారు.

అనంతపురం జిల్లా పరిగి మండలం కొడిగెనహళ్లిలో కాంగ్రెస్ పార్టీ నిర్వహించిన సమావేశానికి ఏపీసీసీ అధ్యక్షుడు శైలజానాథ్ హాజరయ్యారు. కొవిడ్-19 నివారణ చర్యలు పాటిస్తూ... పార్టీ కార్యకలాపాల్లో అనుసరించాల్సిన విషయాలను ఈ సమావేశంలో చర్చించారు. కేంద్ర, రాష్ట్ర ప్రభుత్వాల వైఫల్యాలను ప్రజల దృష్టికి తీసుకెళ్లాలని కార్యకర్తలు, నాయకులకు శైలజానాథ్ సూచించారు.

ఏపీసీసీ అధ్యక్షుడు సాకే శైలజానాథ్ వ్యాఖ్యలు

ఈ సమావేశంలో మాట్లాడిన ఆయన... రాష్ట్రంలో మద్యం దొరికినంత వీజీగా ఏ వస్తువు దొరకడం లేదని ఆరోపించారు. వైకాపా పాలన అస్తవ్యస్తంగా ఉందని విమర్శించారు. డా.సుధాకర్ వ్యవహారంలో రాష్ట్ర ప్రభుత్వం వ్యవహారశైలి ప్రజలందరూ గమనించాలన్నారు. రాష్ట్ర ప్రభుత్వానికి వ్యతిరేకంగా ఎవరైనా మాట్లాడితే వారికీ సుధాకర్​ పరిస్థితి తీసుకువస్తారని శైలజానాథ్ అన్నారు.

ఇదీ చదవండి : విజయవాడలో ఎద్దుల వీరంగం..మట్టి కుండలు ధ్వంసం