దీపాలతో ఐక్యత చాటిన గ్రామస్థులు

చిన్నా, పెద్దా తేడా లేకుండా అందరూ దీపాలు వెలిగించి ఐక్యతా భావాన్ని చాటారు. అనంతపురం జిల్లాలో పలు గ్రామాల్లో గ్రామస్థులంతా స్వచ్ఛందంగా దీపాలు వెలిగించి, కరోనాపై పోరాటానికి తమ సంఘీభావాన్ని తెలిపారు.

కరోనా వైరస్​ను అరికట్టేందుకు లైట్స్ ఫర్ నేషన్​ కార్యక్రమంలో గ్రామస్థులు సైతం పాల్గొన్నారు. అనంతపురం జిల్లాలో పొలికి, గుంతకల్లు, గుత్తి గ్రామస్థులు రాత్రి 9 గంటల నుంచి 9 నిమిషాల పాటు కొవ్వొత్తులు, దీపాలు, టార్చి లైట్లు వెలిగించారు. గో కరోనా అంటూ చిన్నారులు నినాదాలు చేశారు. గుంతకల్లు పట్టణంలో ఎమ్మెల్యే వెంకట్రామిరెడ్డి కుటుంబ సభ్యులతో దీపాలు వెలిగించి సంఘీభావం తెలిపారు.

టీపీఆర్​ ట్రస్ట్​కు చెందిన పరుశురాం దాదాపు 3000 కొవ్వొత్తులను భారతదేశ చిత్రపట ఆకారంలో మైదానంలో మహిళలచేత వెలుగించారు.

కరోనా వ్యాధి వ్యాప్తి అరికట్టడంలో భాగమైన పోలీసులు తమ విధి నిర్వహణలోనే పోలీస్ స్టేషన్​లో దీపాలు వెలిగించారు. చిన్నా, పెద్దా తేడా లేకుండా అందరూ ఈ కార్యక్రమంలో పాల్గొని ఐక్యతా భావాన్ని చాటారు.

ఇదీ చదవండి: గుంతకల్లు కనిపించని సామాజిక దూరం