అనంతపురం నగరంలో ఆదివారం నుంచి లాక్డౌన్ నిబంధనలు అమలులోకి వచ్చాయి. ఫలితంగా మద్యం ప్రియులకు కష్టాలు మొదలయ్యాయి. లాక్డౌన్ కారణంగా నగరంలో దుకాణాలు, వ్యాపార సముదాయాలకు ఉదయం 6 గంటల నుంచి 11 గంటల వరకు మాత్రమే అనుమతి ఇచ్చారు. మద్యం దుకాణాలను చాలా వరకు మూసివేశారు. ఈ కారణంగా నగరానికి సమీపంలో ఉన్న రాప్తాడు వద్దకు మందుబాబులు క్యూ కట్టారు. రాప్తాడులోని మద్యం దుకాణం వద్ద ఉదయం నుంచి భారీ క్యూలైన్ కనిపించింది. అక్కడికి వచ్చినవారంతా అనంతపురం నగర వాసులేనని స్థానికులు చెబుతున్నారు.
ఇదీ చదవండీ... రాష్ట్రంలో కొత్తగా 477 కరోనా పాజిటివ్‌ కేసులు..ఐదుగురు మృతి
