ఎదురెదురుగా వచ్చిన రెండు ఆటోలు ఢీకొని.. సమీపంలో ఉన్న ఇన్నోవా వాహనంపైకి దూసుకెళ్లాయి. ఈ ఘటనలో ఆటో డ్రైవర్ మృతి చెందాడు. మరో ఆటో డ్రైవర్కు గాయాలయ్యాయి. అనంతపురంలోని సత్యసాయిబాబా కళాశాల.. టీవీ టవర్ సమీపంలో ఈ ఘటన జరిగింది. ఆటోలలో ప్రయాణికులు లేకపోవడంతో భారీ ప్రమాదం తప్పింది. ప్రమాదం జరిగిన స్థలానికి ప్రజలు పెద్ద సంఖ్యలో చేరుకుని క్షతగాత్రులను 108 వాహనంలో ఆస్పత్రికి తరలించారు.
మృతి చెందిన వ్యక్తి కందుకూరుకి చెందిన శ్రీనివాసులుగా పోలీసులు గుర్తించారు. ఆటోలు వేగంగా రావడం వల్లనే ఈ ప్రమాదం జరిగినట్లు పోలీసులు భావిస్తున్నారు. కేసు నమోదు చేసుకుని దర్యాప్తు చేస్తున్నారు. ఈ ప్రాంతంలో తరచూ ప్రమాదాలు జరుగుతున్నాయని.. పోలీసులు నిఘా ఏర్పాటు చేయాలని స్థానికులు కోరుతున్నారు.
ఇదీ చదవండి: గణేశ్ మండపం వద్ద డాన్స్ చేస్తూ.. యువకుడు మృతి
