ఆదాయానికి మించి ఆస్తుల అంశంలో అనిశాకు చిక్కిన ఏసీపీ నర్సింహారెడ్డిని అవినీతి నిరోధక శాఖ అధికారులు పూర్తిస్థాయిలో విచారించేందుకు రంగం సిద్ధం చేశారు. ఆయనను 4 రోజుల పాటు అనిశా కస్టడీకి ఇచ్చేందుకు న్యాయస్థానం అనుమతించింది. అక్టోబరు 5 నుంచి 8 వరకు విచారించనున్నారు.
ప్రస్తుతం నర్సింహారెడ్డి చంచల్‌గూడ జైలులో రిమాండ్‌లో ఉన్నారు. ఆయన నివాసంలో సోదాల సమయంలో 75 కోట్ల రూపాయల అక్రమాస్తులు, బంగారం, నగదు, రెండు బ్యాంకు లాకర్లను అనిశా అధికారులు గుర్తించారు. స్థిరాస్తి రంగంలో సదరు అధికారి ఎంత మేరకు పెట్టుబడులు పెట్టారు.. అక్రమాస్తులకు ఎవరెవరు బినామీగా వ్యవరించారు.. అనే కోణంలో దర్యాప్తు జరపనున్నారు. ఆయనను విచారించిన సందర్భంగా మరిన్ని విషయాలు బయటపడే అవకాశం ఉందని అనిశా భావిస్తోంది.
