భారీగా ఎర్రచందనం పట్టివేత.. తరలింపులో అంతర్జాతీయ స్మగ్లర్లు!

కడప జిల్లా పోలీసులు నల్లమల అటవీ ప్రాంతంలో భారీగా ఎర్రచందనం పట్టుకున్నారు. రవాణాకు సిద్ధం చేసిన లారీని స్వాధీనం చేసుకున్నారు.

కడప జిల్లా కాశీనాయన మండలం నల్లమల అటవీప్రాంతంలో పోలీసులు భారీగా ఎర్రచందనం పట్టుకున్నారు. రవాణాకు సిద్ధంగా ఉంచిన సుమారు రూ. 3 కోట్ల విలువగల 94 దుంగలను స్వాధీనం చేసుకున్నారు. పక్కా సమాచారం అందుకున్న అటవీశాఖ అధికారులు, రక్షకభటుల సాయంతో జ్యోతి క్షేత్రం చెలిమ బావి వద్ద దాడులు చేశారు. ఇద్దరు స్మగ్లర్లను అదుపులోకి తీసుకుని.. లారీని సీజ్​ చేశామని డీఎఫ్​వో గురుప్రభాకర్​ వెల్లడించారు. ఈ దోపిడీలో అంతర్జాతీయ స్మగ్లర్ల హస్తముందని అనుమానిస్తున్నామని తెలిపారు. ఆ కోణంలో దర్యాప్తు చేస్తున్నామన్నారు.

ఇవీ చదవండి..ఎర్రచందనం దుంగల లెక్కల్లో తేడా..విచారణకు ఆదేశం