Gadwal Bidda Passes Away : ఒకప్పుడు ఎంత టాలెంట్ ఉన్నా.. గుర్తింపు రావాలంటే చాలా సమయం పట్టేది. కానీ సోషల్ మీడియా పుణ్యమా అని ఇప్పుడు ఆ కష్టం లేదు. ఓవర్ నైట్లో ఈజీగా ఫేమస్ అయిపోవచ్చు. కంటెంట్లో ఎంత కాంట్రవర్సీ ఉంటే.. అంత సులభంగా ఫేమ్ వస్తుంది. సోషల్ మీడియాను వేదికగా చేసుకుని చాలా మంది సెలబ్రిటీలు పుట్టుకొచ్చారు. కేవలం యువతే కాదు.. ఇలా ఓవర్ నైట్ స్టార్ అయిన వాళ్లలో చిన్నపిల్లలూ ఉన్నారు. అందులో ఒకరే తెలంగాణకు చెందిన గద్వాల బిడ్డ.. మల్లికార్జున్ రెడ్డి. 'అది కూడా కరెక్టే కదా సార్' అనే డైలాగ్తో పాపులర్ అయిన ఈ గద్వాల బిడ్డ అనారోగ్యంతో ఆదివారం రోజున మృతి చెందాడు.
వీడియో వైరల్.. ఓవర్ నైట్లో స్టార్
Social Media Sensation Gadwal Bidda Died : తెలిసో తెలియకో ఓ వర్గంపై మల్లికార్జున్ అనుచిత వ్యాఖ్యలు చేసిన వీడియో వైరల్ అయింది. కాంట్రవర్సీ అంటే సోషల్ మీడియా ప్రియులకు ఎంత ప్రియమో తెలిసిందే గా.. అందుకే ఈ వీడియోను ఇంకాస్త వైరల్ చేశారు. ఇంకేంటి.. ఓవర్ నైట్లో మల్లికార్జున్ సోషల్ మీడియా స్టార్ అయిపోయాడు. కులవివక్షకు సంబంధించిన వ్యాఖ్యలు చేశారంటూ కామెంట్లు రావడం వల్ల ఈ వీడియోను డిలీట్ చేశారు.
అది కూడా కరెక్టే కదా సార్..
Gadwal Bidda Death : కానీ సదరు వర్గం ఫిర్యాదుతో మల్లికార్జున్ను మందలించడానికి పోలీసులు అతన్ని స్టేషన్కు పిలిపించారు. పోలీసులు అతనికి నచ్చజెప్పే సమయంలో.. మల్లికార్జున్ నోటి నుంచి వచ్చిన 'అది కూడా కరెక్టే కదా సార్' అనే డైలాగ్ కూడా తెగ వైరల్ అయింది. ఆ డైలాగ్ను వాడని మీమర్ లేరంటే ఆశ్చర్యం లేదు.
మీమ్స్ వైరల్..
Gadwal Bidda Mallikarjun Reddy Passed Away : చిన్నతనం నుంచి ఆస్తమాతో పాటు ఇతర అనారోగ్య సమస్యలతో బాధపడుతున్న మల్లికార్జున్ సోషల్‌మీడియాలో చేసే వ్యాఖ్యలు నిత్యం వైరల్ అవుతూనే ఉంటాయి. తనకు ఆరోగ్యం సరిగ్గా లేకున్నా తన వాయిస్‌తో నెటిజన్లను ఏదో రకంగా ఎప్పుడూ అలరిస్తూనే ఉంటాడు. తెలిసీ తెలియక అమాయకంగా కనిపిస్తూ మల్లికార్జున్ చేసిన డైలాగ్స్ ఇప్పటికీ సోషల్ మీడియాలో వైరల్ అవుతూనే ఉంటాయి. చాలా ట్రోల్స్. వీడియోలు. మీమ్స్లో మల్లికార్జున్ కనిపిస్తూ ఉంటాడు. చిన్న వయసులోనే మల్లికార్జున్ మీమ్స్ ద్వారా ఎంతో మంది అభిమానులను సంపాదించుకున్నారు.
ఇంకా ఎంతో మంచి భవిష్యత్ ఉందనుకుంటే.. మల్లికార్జున్ ఇంత చిన్న వయసులోనే ఈ లోకాన్ని విడిచి వెళ్లడం చాలా బాధగా ఉందంటూ సోషల్ మీడియాలో అనేక పోస్టులు దర్శనమిస్తున్నాయి. అతని మరణం పట్ల కుటుంబం, బంధువులే కాదు.. సోషల్ మీడియా ఇన్ఫ్లూయెన్సర్లు, నెటిజన్లు విచారం వ్యక్తం చేస్తున్నారు.
- ఇదీ చదవండి : పెళ్లి కుమార్తె కాళ్లపారాణి ఆరకముందే..
