Road Accident at ravulapalem: తూర్పు గోదావరి జిల్లా రావులపాలెం మండలం రావులపాడు జాతీయ రహదారిపై రోడ్డు ప్రమాదం జరిగింది. అక్రమంగా గంజాయిని తరలిస్తున్న కారు... రావులపాలెం ఆర్టీసీ డిపో వద్ద గల బస్సును వెనకనుంచి ఢీకొట్టింది. ఈ ప్రమాదంలో ఇద్దరు గాయపడ్డారు. విశాఖ జిల్లా పాడేరు నుంచి ఏడుగురు వ్యక్తులు ఇన్నోవా వాహనంలో గంజాయి తరలిస్తున్నట్లు పోలీసులు కనుగొన్నారు.
క్షతగాత్రులని రాజమహేంద్రవరం ప్రభుత్వ ఆసుపత్రికి తరలించి, కారులో ఉన్న నలుగురిని అదుపులోకి తీసుకున్నట్లు పోలీసులు తెలిపారు. మరో వ్యక్తి పరారీలో ఉన్నట్లు వెల్లడించారు.
ఇదీ చదవండి: young man suicide: కరోనా భయంతో యువకుడు ఆత్మహత్య
