బాబు భద్రతపై తెదేపా ఎమ్మెల్యేల ఆందోళన
మాజీ ముఖ్యమంత్రి చంద్రబాబుకు గన్నవరం విమానాశ్రయంలో జరిగిన అవమానం పట్ల విశాఖలో ఎమ్మెల్యేలు అర్ధనగ్న ప్రదర్శన చేపట్టారు. జీవీయంసీ గాంధీ విగ్రహం వద్ద తెదేపా ఎమ్మెల్యేలు వాసుపల్లి గణేష్ కుమార్, వెలగపూడి రామకృష్ణబాబులు ప్రభుత్వ చర్యలకు వ్యతిరేకంగా నినాదాలు చేశారు. జడ్ ప్లస్ క్యాటగిరీ భద్రత కలిగిన వ్యక్తిని.. సాధారణ ప్రయాణికులు వెళ్లే దారిలో పంపించడం, తనిఖీలు చేయడం దారుణమని అన్నారు. తెదేపా అధినేతకు ఏదైనా జరిగితే ఎవరు బాధ్యత వహిస్తారని ప్రశ్నించారు. చంద్రబాబు ముఖ్యమంత్రిగా ఉన్నప్పుడు జగన్ పాదయాత్ర చేస్తే ఎటువంటి ఇబ్బందులు కలుగకుండా పూర్తి భద్రతను అందించామని గుర్తు చేశారు. నిరసన ప్రదర్శన అనంతరం జిల్లా కలెక్టర్ను కలిసి వినతిపత్రం సమర్పించారు.
సంబంధిత కథనం
