'విశాఖ స్టీల్​ ప్లాంట్​ ప్రైవేటీకరణతో ఎంతోమంది నష్టపోతారు'

విశాఖ స్టీల్​ ప్లాంట్ ప్రైవేటీకరణ కారణంగా చాలా మంది నష్టపోతారని తెదేపా నేత పల్లా శ్రీనివాసరావు అన్నారు. కేంద్ర ప్రభుత్వం ఈ నిర్ణయాన్ని వెనక్కు తీసుకోవాలని కోరారు.

విశాఖ స్టీల్​ ప్లాంట్​ను ప్రైవేటీకరణ చేయాలన్న కేంద్ర ప్రభుత్వ నిర్ణయాన్ని తెదేపా ఖండించింది. ప్రత్యక్షంగా, పరోక్షంగా వేలాది మంది స్టీల్​ ప్లాంట్​పై ఆధారపడి ఉన్నారని తెదేపా విశాఖ పార్లమెంట్ అధ్యక్షుడు పల్లా శ్రీనివాసరావు అన్నారు. విశాఖ స్టీల్ ప్లాంట్ నష్టాల్లో ఉండటానికి హుద్ హుద్, కొవిడ్ ప్రభావం చూపించాయన్నారు. ప్రైవేటీకరణ నిర్ణయాన్ని ఉపసంహరించుకోకపోతే.. ఉద్యమిస్తామని పల్లా శ్రీనివాసరావు హెచ్చరించారు.

ఇదీ చదవండి: విశాఖ స్టీల్‌ ప్రైవేటీకరణకు పచ్చజెండా!