జాతీయ రహదారిపై 10 కి.మీ మేర నిలిచిన వాహనాలు

వరుణుడు ఉగ్రరూపం దాల్చాడు.. అక్కడా ఇక్కడా అని కాదు.. తెలంగాణలోని అన్నిచోట్ల విరామం లేకుండా వాన దంచికొట్టింది. దీనివల్ల హైదరాబాద్ - విజయవాడ జాతీయరహదారిపై దాదాపు 10 కిలోమీటర్ల మేర వాహనాలు నిలిచిపోయాయి. వాహనదారులు తీవ్ర ఇక్కట్లు ఎదుర్కొంటున్నారు.

రంగారెడ్డి జిల్లా అబ్దుల్లాపూర్‌మెట్‌ మండలం ఇనాంగూడ వద్ద హైదరాబాద్ ‌- విజయవాడ జాతీయ రహదారిపై వరద ఉద్ధృతంగా ప్రవహిస్తోంది. దీనివల్ల పలు కార్లు నీట మునిగాయి. రోడ్లుకు ఇరువైపులా పది కిలోమీటర్ల మేర వాహనాలు నిలిచిపోయాయి.

దీనివల్ల జాతీయ రహదారిపై వాహనాల రాకపోకలను పోలీసులు నిలిపివేశారు. వాహనదారులు తీవ్ర ఇక్కట్లు ఎదుర్కొంటున్నారు.

ఇవీచూడండి: