తెలంగాణ: ఎమ్మెల్సీలను నామినేట్ చేస్తూ ప్రభుత్వం ఉత్తర్వులు

తెలంగాణ శాసనమండలిలో నామినేటెడ్ ఎమ్మెల్సీల గెజిట్ నోటిఫికేషన్ జారీ అయింది. గోరటి వెంకన్న, బస్వరాజు సారయ్య, దయానంద్‌లను మండలికి నామినేట్ చేస్తూ ప్రభుత్వం ఉత్తర్వులు జారీ చేసింది.

తెలంగాణ శాసనమండలిలో రాష్ట్ర గవర్నర్‌ కోటాలో ఖాళీ అయిన మూడు ఎమ్మెల్సీ స్థానాలను భర్తీ చేయాలని ముఖ్యమంత్రి కేసీఆర్​ నేతృత్వంలోని మంత్రి మండలి‌ నిర్ణయించింది. ఆ మూడు స్థానాలకు ప్రముఖ ప్రజాగాయకుడు గోరటి వెంకన్న, మాజీ మంత్రి బస్వరాజు సారయ్య, బోగారపు దయానంద్‌ పేర్లను ఖరారు చేసింది. సీఎం కేసీఆర్‌ అధ్యక్షతన జరిగిన మంత్రివర్గ సమావేశంలో ఈ కీలక నిర్ణయం తీసుకున్నారు.

ఇదీ చూడండి : హామీలన్నీ జీహెచ్‌ఎంసీ ఎన్నికల కోసమే: దాసోజు శ్రవణ్​