kanakamedala: వైకాపా ఎంపీలు పోరాడకుండా చేతులెత్తేశారు: కనకమేడల

తెలుగుదేశం పార్టీ.. రాష్ట్ర సమస్యలపై పార్లమెంట్​లో పోరాడిందని ఎంపీ కనకమేడల రవీంద్ర కుమార్ తెలిపారు. వైకాపా ఎంపీలు మాత్రం పార్లమెంట్​లో చేతులెత్తేశారని విమర్శించారు.

వైకాపా ఎంపీలు పార్లమెంట్‌లో పోరాడకుండా చేతులెత్తేశారని తెదేపా రాజ్యసభ సభ్యుడు కనకమేడల రవీంద్రకుమార్ ఆరోపించారు. దిల్లీలో గురువారం ఆయన మీడియాతో మాట్లాడుతూ... కేసుల కోసం ప్రత్యేక హోదాను వైకాపా ఎంపీలు తాకట్టు పెట్టారని విమర్శించారు.

భాజపాతో వైకాపా లోపాయకారి ఒప్పందం చేసుకుందని, ఆ ఒప్పందం ప్రకారమే పీఏసీ సభ్యుడిగా విజయసాయిరెడ్డిని నియమించారని పేర్కొన్నారు. నదీ జలాల విషయంలో జగన్‌ కేంద్రానికి లొంగిపోయారని ఆరోపించారు.

ఇదీ చదవండి: