'రాఖీ పండుగ అంటే నాకెంతో ఇష్టం'

రాష్ట్ర ప్రజలకు మంత్రి పేర్ని నాని రాఖీ పౌర్ణమి శుభాకాంక్షలు తెలిపారు. తన కార్యాలయంలో పలువురు మహిళలు మంత్రికి రాఖీ కట్టారు. ఆత్మీయతను పంచే రాఖీ పండుగ అంటే తనకెంతో ఇష్టమని మంత్రి తెలిపారు.

రాష్ట్ర ప్రజలకు రవాణా, సమాచార పౌర సంబంధాల శాఖల మంత్రి పేర్ని నాని రాఖీ పౌర్ణమి శుభాకాంక్షలు తెలియజేశారు. మంత్రి పేర్ని నానికి తన కార్యాలయంలో గిలకలదిండికి చెందిన విశ్వనాథపల్లి పైడమ్మ వీరబాబు, పీతా దుర్గా, హోంగార్డు దుర్గా తదితరులు రాఖీ కట్టారు.

దేశచరిత్రలోనే మహిళా సాధికారత విషయంలో ఎవ్వరూ వేయనన్ని ముందడుగులు వేసిన ఏకైన రాష్ట్రం మన ఆంధ్రప్రదేశ్ అని మంత్రి కొనియాడారు. వైకాపా ప్రభుత్వం సమాజంలో మహిళలకు ఉన్నతస్థానం కల్పిస్తోందన్నారు. తన కార్యాలయం వద్దకు వచ్చిన పలు ప్రాంతాల ప్రజలతో మంత్రి మాట్లాడారు. తమ సమస్యలను వారు మంత్రికి విన్నవించారు. వారి సమస్యలకు త్వరలోనే పరిష్కారం లభిస్తుందిని మంత్రి హామీ ఇచ్చారు.