ఆంధ్ర ఆసుపత్రిలో చిన్నారులకు ఉచితంగా గుండె శస్త్రచికిత్సలు

హీలింగ్ లిటిల్ హార్ట్స్ యూకే బృందం, సినీ నటుడు మహేశ్​బాబు, రోటరీ క్లబ్​ల సౌజన్యంతో చిన్నారులకు ఎంతో క్లిష్టమైన గుండె శస్త్రచికిత్సలు విజయవంతంగా నిర్వహించామని ఆంధ్ర హాస్పిటల్స్ వైద్యులు తెలిపారు.

తమ ఆసుపత్రిలో 20వ విడత జరిగిన శస్త్రచికిత్సలన్నీ విజయవంతమయ్యాయని ఆంధ్ర ఆసుపత్రి చీఫ్ ఆఫ్ చిల్డ్రన్ హార్ట్ ఇన్​స్టిట్యూట్ వైద్యులు రామారావు తెలిపారు. ఈ నెల 14వ తేదీ నుంచి ఈరోజు వరకు 10 మంది చిన్నారులకు క్లిష్టమైన గుండె శస్త్రచికిత్సలు చేశామన్నారు. హీలింగ్ లిటిల్ హార్ట్స్ యూకే బృందం, సినీ నటుడు మహేశ్​బాబు, రోటరీ క్లబ్​ల సౌజన్యంతో ఎంతో ఖర్చుతో కూడుకున్న సర్జరీలు ఉచితంగా చేస్తున్నామని చెప్పారు. ఆంధ్ర హాస్పిటల్స్ పనితీరుపై యూకే బృందం సంతృప్తి వ్యక్తం చేసింది.

ఇవీ చదవండి..

ప్రపంచంలోనే నంబర్ వన్... భారత అంధుల క్రికెట్ జట్టు