బురద, గుంతలు తప్ప రోడ్డు అసలు కనపడని ఈరోడ్డు ఏ మారమూల పల్లెలోనిదో కాదు. విజయవాడ నగర శివార్లలోని గన్నవరం నుంచి నూజివీడు వెళ్లే రహదారి. ఈ మార్గం మీదుగా బైకులు, కార్లతో పాటు భారీ వాహనాలను నిత్యం ప్రయాణిస్తుంటాయి. రోడ్డు అంతా గుంతలు తేలటంతో ఈ మార్గంలో ప్రయాణమంటేనే ప్రజలు బెంబేలెత్తిపోతున్నారు. గన్నవరం నుంచి 18 కిలోమీటర్ల దూరంలో ఉండే ఆగిరిపల్లికి వెళ్లాలంటే సాధారణంగా అరగంట సమయం పడుతుంది..కానీ ఈ గోతుల రహదారితో రెట్టింపు సమయం కన్నా ఎక్కువే పడుతోందని వాహనదారులు ఆవేదన వ్యక్తం చేస్తున్నారు.
గన్నవరం నుంచి వెళ్లే రహదారిలో క్వారీలు ఎక్కువ ఉండటం వల్ల... భారీ వాహనాలతో ఇబ్బంది పడుతున్నామని వాహనదారులు అంటున్నారు. రహదారి నిర్మాణానికి ప్రభుత్వం గతేడాది నిధులు మంజూరు చేసినా.. ఇప్పటికీ పనులు చేపట్టలేదని స్థానికులు ఆగ్రహం వ్యక్తం చేస్తున్నారు.
ఇదీ చదవండి:
మా పాఠశాల మాకే ఉంచండి.. రాష్ట్రవ్యాప్తంగా ఎయిడెడ్‌ విద్యార్థుల ఆందోళనలు
