'దళిత యువతి హత్య కేసులో నిందితుడిని కఠినంగా శిక్షించాలి'

విజయవాడ దళిత యువతి హత్య కేసులో నిందితులను కఠినంగా శిక్షించాలని మాజీ మంత్రి పీతల సుజాత డిమాండ్ చేశారు. దిశ చట్టం పేరుకే గానీ.. దాని వలన ఏ మహిళకూ ఇంతవరకు న్యాయం జరగలేదని విమర్శించారు.

చట్టాలు ప్రభుత్వానికి చుట్టాలుగా మారుతుండటం బాధాకరమని మాజీమంత్రి పీతల సుజాత మండిపడ్డారు. విజయవాడలో ప్రేమోన్మాది చేతిలో యువతి బలి కావడం బాధాకరమన్నారు. మహిళలపైన దాడులు, అఘాయిత్యాలు పెరుగుతున్నా ప్రభుత్వం నిర్లక్ష్యంగా వ్యవహరిస్తోందని ఆమె మండిపడ్డారు. దిశ చట్టం ఉండీ లేనట్టేనన్న పీతల సుజాత... తెదేపా హయాంలో కట్టిన భవనాలకు దిశ పోలీస్ స్టేషన్ అని పేరు మార్చడం తప్ప మహిళలకు ఎలాంటి న్యాయం జరగలేదని దుయ్యబట్టారు. దళిత యువతి హత్య కేసులో నిందితులను కఠినంగా శిక్షించాలని డిమాండ్ చేశారు.

ఇవీ చదవండి..