విజయవాడలో సీపీఎం ఆందోళన చేపట్టింది. చెత్తపై పన్ను విధించడం దారుణమని సీపీఎం నాయకులు మండిపడ్డారు. దానికి సంబంధించిన జీఓ కాపీలను తగలబెట్టి నిరసన తెలిపారు. ఓపక్క పేదలకు ఉచిత పథకాలు అందిస్తున్నట్లు ప్రచారం చేసుకుంటున్న రాష్ట్ర ప్రభుత్వం... పన్నుల రూపంలో పేద ప్రజలపై భారం మోపడం దారుణమని సీపీఎం జిల్లా నాయకులు దుర్గారావు అన్నారు. సామాన్యులపై పన్నుల భారం మోపితే ప్రజా ఉద్యమాలు తప్పవని ఈ మేరకు స్పష్టం చేశారు. ఈ కార్యక్రమంలో సీపీఎం నగర కమిటీ సభ్యుడు శ్రీను, డివిజన్ నాయకులు రజినికుమార్, దుర్గావతి, కూరపాటి నాగరాజు పాల్గొన్నారు.
ఇదీచదవండి
