వైఎస్ తన పాదయాత్రలో రైతుల కష్టాలు చూసి రైతును రాజును చేయాలని తపించారని... ఆయన ఆలోచనల్లో నుంచి పుట్టిందే రైతులకు ఉచిత విద్యుత్ పథకమని ఏపీ కాంగ్రెస్ పార్టీ సమన్వయ కమిటీ సభ్యురాలు సుంకర పద్మశ్రీ తెలిపారు. వైఎస్ ముఖ్యమంత్రి అయిన తర్వాత మొదటి సంతకం ఉచిత విద్యుత్ ఫైల్‌పై చేశారని గుర్తుచేశారు. ఆనాడు కాంగ్రెస్ ప్రభుత్వం రైతులకు ఇచ్చిన కానుక అని - ఉచిత విద్యుత్ వల్ల లక్షల మంది రైతులు లబ్దిపొందారని తెలిపారు. వైఎస్ పాలనలో రైతే రాజు అన్న నినాదం ఫరిడవిల్లిందని చెప్పుకొచ్చారు. వైఎస్ ఉచిత విద్యుత్ అమలు చేస్తామన్నప్పుడు ప్రతిపక్షాలు ఆవహేళన చేశాయని... విద్యుత్ వైర్లపైన బట్టలు ఆరేసుకోవాలని వ్యంగంగా మాట్లాడారని పద్మశ్రీ గుర్తుచేశారు. రైతులకు ఉచిత విద్యుత్ ఇచ్చి వారి విమర్శలకు వైఎస్ గట్టిగా సమాధానం చెప్పారన్నారు. వైఎస్ మరణం తర్వాత వచ్చిన ప్రభుత్వాలు ఉచిత విద్యుత్ పథకాన్ని అమలు చేశాయని తెలిపారు. ప్రధాని మోదీ రైతులకు వెన్నుపోటు పొడిచి ఉచిత విద్యుత్ పథకాన్ని నీరుగారుస్తున్నారని ఆగ్రహం వ్యక్తం చేశారు. విద్యుత్ మీటర్లు పెట్టి రైతులు ఖాతాలకు డబ్బులు జమ చేస్తే వాటిని డిస్కంలకు డ్రా చేసుకుంటాయని చెపుతున్నారు. ముఖ్యమంత్రి జగన్ కేసులకు తలవంచి కేంద్రం అడమనట్లు అడుతున్నారని ధ్వజమెత్తారు.
వారి మోసం బయటపడింది...
అమరావతి రాజధాని నిర్మాణానికి రైతులు 33 వేల ఎకరాలు ఇస్తే తాము అధికారంలోకి వస్తే అమరావతి ప్రపంచ స్థాయి రాజధానిగా నిర్మిస్తామని వైకాపా హామీ ఇచ్చిందన్న పద్మశ్రీ... అమరావతి విషయంలో జగన్ మోసం చేస్తారని తాము అప్పుడే చెపితే ఎవ్వరు నమ్మలేదన్నారు. విద్యుత్ మీటర్లు బిగించి రైతుల అకౌంట్లో డబ్బులు వేస్తామని ప్రభుత్వం చెబుతున్న మాటలను రైతులు నమ్మే పరిస్థితి లేదన్నారు. అమరావతి రైతుల విషయంలోనే ప్రధాని మోదీ, ముఖ్యమంత్రి జగన్ మోసం బయటపడిందని విమర్శించారు.
రాష్ట్రంలో రైతుల ఆత్మహత్యలు పెరుగుపోతున్నాయని... ప్రభుత్వం తీసుకువచ్చిన ఈ విధానం వల్ల 18 లక్షల మంది రైతులు ఆత్మహత్యలు చేసుకోవాల్సి వస్తుందని వెల్లడించారు. కరోనా ర్యాపిడ్ టెస్టుల కొనుగోళ్లో వైకాపా నేతలు ఏ విధంగా కమిషన్లు తీసుకున్నారో.... విద్యుత్ మీటర్లు కొనుగోలులో కూడా కమిషన్లకు కక్కుర్తి పడినా ఆశ్యర్యం లేదని పేర్కొన్నారు. వైఎస్ వారసుడునని చెప్పుకుంటున్న జగన్ రైతాంగాన్ని మోసం చేస్తున్న తీరు చూసి వైఎస్ ఆత్మ కూడా క్షోభిస్తుందని మండిపడ్డారు.
ఇదీ చదవండి: జగన్ రాష్ట్రాన్ని అప్పుల ఊబిలోకి నెడుతున్నారు: పట్టాభి
