ANR Students Protest: కృష్ణాజిల్లా గుడివాడ ఏఎన్నార్ కళాశాలను ఎయిడెడ్ గా కొనసాగించాలంటూ, గుడివాడ - విజయవాడ రహదారిపై విద్యార్థులు నిరసన కార్యక్రమాలు నిర్వహించారు. రోడ్డుపై ధర్నా చేసేందుకు ప్రయత్నిస్తున్న విద్యార్థులను గుడివాడ వన్టౌన్ పోలీసులు అడ్డుకొని, తరగతి గదులకు పంపించివేశారు. ఈ సందర్భంగా పలువురు విద్యార్థి సంఘాల నాయకులను అదుపులోకి తీసుకున్న పోలీసులు స్టేషన్ కు తరలించారు.
ఇదీ చదవండి : Electric bike burnt : ప్రయాణంలో ఉండగా ఎలక్ట్రిక్ బైక్ దగ్ధం
నూజివీడులో డీఏఆర్ కళాశాల విద్యార్థుల ర్యాలీ...
DAR Aided College: నూజివీడు డీఏఆర్ కళాశాలను ఎయిడెడ్ కళాశాలగా కొనసాగించాలని కోరుతూ ఎస్ఎఫ్ఐ ర్యాలీ నిర్వహించింది. ఎంతో మంది దాతల సహకారంతో పేద, మధ్య తరగతి విద్యార్థులకు విద్యను అందిస్తున్న డీఏఆర్ కాలేజీ విద్యార్థులే కాపాడుకోవాలని పిలుపునిచ్చారు. ఈ కార్యక్రమంలో ఎస్ఎఫ్ఐ జిల్లా ఉపాధ్యక్షుడు లెనిన్, నూజివీడు ఎస్ఎఫ్ఐ టౌన్ కార్యదర్శి అశోక్ ,ధర్మ అప్పారావు కళాశాల విద్యార్థులు పాల్గొన్నారు.
ఇదీ చదవండి : NTR Trust Help : టెన్త్ విద్యార్థినులకు నారా భువనేశ్వరి సాయం
