తూర్పుగోదావరి జిల్లా పి.గన్నవరం మండలం వులిశెట్టివారి పాలెంలో వులిశెట్టి వారి కుటుంబాలు ఆత్మీయ కలయిక ఏర్పాటు చేశాయి. హైదరాబాద్, విశాఖపట్నం, ఉభయగోదావరి జిల్లాలు తదితర ప్రాంతాల నుంచి వులిశెట్టి వారి కుటుంబాలు ఈ ఆత్మీయ కలయికలో పాల్గొన్నాయి. ఆత్మీయ అనురాగాల మధ్య వారంతా హాయిగా గడిపారు. గతంలోని తీపి జ్ఞాపకాలు నెమరు వేసుకున్నారు. ఎంత దూరంలో ఉన్నా ఇలా ఆత్మీయ కలయిక పేరుతో మనమంతా కలిసి ఉండాలని ఆకాంక్షించారు. పిల్లలకు పెద్దలను పరిచయం చేసుకుంటూ మమతానురాగాలను చాటారు.
ఈ ఆత్మీయ కలయికకు స్థానిక ఎమ్మెల్యే కొండేటి చిట్టిబాబు ముఖ్య అతిథిగా హాజరయ్యారు. ఇలాంటి కార్యక్రమాలు కుటుంబ వ్యవస్థను, బంధుత్వాలను పటిష్టం చేస్తాయని ఆయన అన్నారు. నేటి సాంకేతిక యుగంలో ఇలాంటి ఆత్మీయ కలయికలు చాలా అవసరమని ఆయన అభిప్రాయపడ్డారు. ఈ సందర్భంగా ఎమ్మెల్యే చిట్టి బాబును వులిశెట్టి కుటుంబీకులు ఘనంగా సత్కరించారు.
ఇదీ చదవండి: ఘనంగా బొండాడ కుటుంబ సభ్యుల ఆత్మీయ కలయిక
