పోలీసుల అప్రమత్తం... రోడ్లన్నీ నిర్మానుష్యం

నెల్లూరులో ప్రజలు బయటకు రాకుండా పోలీసులు కఠిన చర్యలు తీసుకుంటున్నారు. నిబంధనలకు విరుద్ధంగా తిరిగే వారిపై పోలీసులు కేసు నమోదు చేస్తున్నారు.

కరోనా వైరస్ నేపథ్యంలో నెల్లూరులో లాక్​డౌన్ కొనసాగుతోంది. నిత్యావసరాలు కొనుగోలు చేసేందుకు ఉదయం 9 గంటల వరకు పరిమిత సంఖ్యలో ప్రజలను అనుమతిస్తున్న పోలీసులు, తర్వాత ఎవరూ బయటకు రాకుండా చర్యలు తీసుకుంటున్నారు. నగరంలోని ప్రతి డివిజన్​లో కూరగాయల విక్రయ కేంద్రాలను అధికారులు ఏర్పాటు చేశారు. నిబంధనలకు విరుద్ధంగా తిరిగే వారిపై పోలీసులు కేసు నమోదు చేస్తున్నారు. ప్రయాణికులను ఎక్కించుకుని తిరిగే ఆటోలను సీజ్ చేశారు. ప్రజలందరూ ఇళ్లకే పరిమితమవడటంతో రహదారులు నిర్మానుష్యంగా మారాయి.

ఇదీ చదవండి: స్వీయ నిర్బంధంలో తినకూడనవి ఇవే...