వన్డే ప్రపంచ కప్​కు సిద్ధం: ఎమ్మెస్కే

ప్రపంచ కప్​కు ఆటగాళ్ల ఎంపిక దాదాపు పూర్తయిందని భారత క్రికెట్ సెలక్షన్ కమిటీ ఛైర్మన్ ఎమ్.ఎస్.కె. ప్రసాద్ అన్నారు. గుంటూరు హిందూ కళాశాలలో ఏర్పాటు చేసిన క్రికెట్ శిక్షణా కేంద్రాన్ని ఆయన ప్రారంభించారు.

కోహ్లీ నాయకత్వంలోని భారత క్రికెట్ జట్టు.. ప్రపంచకప్​కు సిద్ధమవుతోందని జాతీయ చీఫ్ సెలెక్టర్ ఎమ్.ఎస్.కె. ప్రసాద్ చెప్పారు. గుంటూరు హిందూ కళాశాలలో క్రికెట్ శిక్షణా కేంద్రాన్ని ఎంపీ గోకరాజు గంగరాజుతో కలిసి ఆయన ప్రారంభించారు. ఆస్ట్రేలియా, న్యూజిలాండ్ పర్యటనల్లో భారత్ జట్టు సత్తా చాటిందని ప్రశంసించారు. ఇదే ఊపుతో ఈ ఏడాది జరిగే ప్రపంచకప్​కు జట్టును సిద్ధం చేస్తున్నామని తెలిపారు. ఆటగాళ్ల ఎంపిక దాదాపు పూర్తయిందని.. ఒకటి రెండు ఖాళీల్లో మాత్రమే ఆటగాళ్లను ఎంపిక చేయాల్సి ఉందని వివరించారు. ఆస్ట్రేలియా సిరీస్, ఐపీఎల్​లో ప్రతిభ కనబరిచిన యువ ఆటగాళ్లకు అవకాశం కల్పించనున్నట్లు ప్రసాద్ వెల్లడించారు.

ఇవి కూడా చదవండి.

యువక్రీడాకారులకు విస్తృత అవకాశాలు: ఎమ్మెస్కే