గుంటూరు జీజీహెచ్లో రోగుల సహాయకుల విశ్రాంతి భవనాన్ని వచ్చే డిసెంబర్లోగా ప్రారంభించనున్నామని గృహనిర్మాణ శాఖ మంత్రి శ్రీరంగనాథ రాజు అన్నారు. డిసెంబర్ 10లోగానే నిర్మాణాన్ని పూర్తి చేసి అప్పగించాలని ఇంజినీరింగ్ అధికారులను కోరారు. ఎమ్మెల్యే ముస్తఫాతో కలిసి జీజీహెచ్లో పర్యటించిన మంత్రి... భవన నిర్మాణ పనుల పురోగతిని పరిశీలించారు.
రోజుకు రెండుపూటలా 300 మంది రోగుల సహాయకులకు ఉచితంగా భోజనం అందించేందుకు ఏపీఎన్జీవోలు ఈ భవనాన్ని నిర్మిస్తుండగా... జీజీహెచ్లో నిత్యాన్నదాన పథకానికి మంత్రి శ్రీరంగనాథరాజు సొంతంగా కోటి రూపాయలు విరాళాన్ని ప్రకటించారు. కొత్త జిల్లాల ఏర్పాటుపై ముఖ్యమంత్రి కమిటీలను ఏర్పాటు చేశారని... కమిటీలు ఇచ్చిన నివేదిక ఆధారంగా ప్రభుత్వం తుది నిర్ణయం తీసుకుంటుందని శ్రీరంగనాథరాజు చెప్పారు.
ఇదీ చదవండి
